تالش کرا اشتن به ایرون و دینیا آذونو و کرا نار شو تالش ۱۵ سال قبلی تالش نییه تالش چم آکرده و کرا ایزه و اشتن لوکش صاف آکرده دا یکه خله گله ای ویچاکنه دینیا گوشی کو تالش نمره تالشی زوون کرا اشتن نیویشتاری یه ادبیاتی قوی آکره و هر روج کرا چیی اوه نیویسن وییر آبون تالشن آیرونی عاشقینه وچند قرنه ایرونی خونه مبارزه درینه جالب امه که تالشی فر هنگی اجتماعی و سیاسی یه جنبشی همیشه امی زهار کردشه و اوری حتی پان ترکیستن امی زونون کافی یه تالشی نومی + آدربایجان یا پان ترکیسم سرچ بکرن و چوون سایتون دیسن پان ترکیستن ک قصد دارن ایرونی تجزیه بکرن تالشون اشتن خونی یه دیشمن زونون و به هر رایی چنگ ژنن ک تالشی بیگرن و تالشون اشتن را سری کو پیگرن تا آرسن کاسپینی دریا و لی تالشستون ماهی یه تی شی چوون لوکی دمنده . تالشن ترک و گیلک و کرد و هرقومی ک اشتن ایرانی ذونو اشتن برا زونون ولی هر کس قصد آسیب به ایرانی بداره اشتن دشمن زونون حتی شمالی یه تالشن ک ۱۷۰ ساله به ایجبار اشتن وطن ایرانی کو جدا مندینه هنوز کرا پان ترکیستون نه جنگن چوون دانشمندن ک فقط علمی یه همایشی را ۱۳۸۳ سالی کو ایران اومینا الان آذربایجانی زیندونون کو کرا شکنجه بون .المان قلی اوف و نوروز علی ممدوف هر ۲ نفر دانشگاه اوستادینه .البته تالشن دینیا سراسری کو ام ستمون را شیکایتشون آدوئه بین المللی یه سازمانون را. تالش اوری بیداره و اشتن حقی را مبارزه کره .پیله ایران تالشی پشت منده و یاله خدا تالشون صافه دیلی کو خبر داره ونییرزه زرتشتی گافرو که ای رشته نه به دریا و ای رشته نه به کوه بنده مرگی لای لای نه خاو آشو و حرکتی کو بومونو.
+ نوشته شده توسط تالشه شوونه (آرمین فریدی هفته خونی) در دوشنبه سوم دی 1386 و ساعت
2:11 |